国王的新楼(下)

嘅步伐，为建设帝国嘅未来而努力！」

    喺新行政官慷慨激昂嘅陈词之下，新城市嘅发展工程正式展开！

    喺贵族同埋富豪嘅推波助澜下，新城市嘅楼花炒风极为炽烈，再加上为咗表示自己对帝国嘅忠诚，几乎人人都争住最少认购一个单位。新行政官更同时推出一个政策，就系即使冇钱买楼嘅低下阶层人士都可以得到帝国政府全数资助贷款，可以负数息口兼三年免供优惠全额按揭借钱买楼，实行人人有楼住，人人有未来。

    帝国从来未试过咁阔佬，好多人都失去理X，几乎每人点都申请返一个单位，再加上为咗表示自己嘅Ai国心，更加义无反顾训身去尽。

    以星系嘅科学技术，要建造一个全新嘅城市应该唔需要好耐，但预定建筑新城市嘅地方就一直都只系一片空地，冇任何动工嘅迹象。

    到咗工程预定完工嘅嗰日，新行政官带同重要官员同埋贵族、富豪们，去到新城市举行启用仪式。

    由飞船上望去新城市之处明明依然仲系一片空地，但新行政官就不断大赞：「宏伟！实在太宏伟！绝对可以展现出帝国嘅富强同伟大！有咗呢一座标志住帝国伟业嘅全新城市，相信帝国嘅霸业一定可以千秋万世，令宇宙永享太平！」

    坐喺新长官一旁嘅一众贵族同富豪见到长官望住一片空地不断赞叹，都觉得有啲困